بسام كوسا: ممثلات يتخذن التمثيل ستارة لمهن أخرى

انتقد الفنان القدير بسام كوسا استغلال مجموعة من الفنانين مهنتهم، من أجل تغطية الأفعال المشينة التي يرتكبونها.

وقال الممثل السوري: "في قسم من الممثلات والسيدات والآنسات زميلاتنا، فعلاً بينرفع الراس فيهن من كتر ما موهوبين وشغلن حلو وأخلاقن حلوة، ولكن القسم الأكبر مهنة التمثيل هي عبارة عن ستارة لممارسة مهن أخرى".

وأضاف في حوار لمنصرة "المنتدى": "أنا مسؤول عن كلامي، وعم شوف هلق شو عم بيصير شي بحطوه بضهر الذكاء الإصطناعي على فكرة، انه والله هي مو انا الذكاء الاصطناعي مسوينها عليي، على اساس نحنا كنا سابقينه للذكاء الاصطناعي".

وتابع:"ولذلك أنا بشوف انه واحدة من اخطر الاشياء مو دخول هؤلاء على هذه المهنة الحضارية العبقرية، مين سمح لهم يدخلوا، مين بينتجلن مشان شو؟ شو عم يعملو بدول أخرى؟ يعني مين هادول انه على اي اساس هادول بعدين بعد 4 او 5 سنين بتطلع بتلاقيها عالتلفزيون عم تحكي عن بناء الاسرة وتربية الاطفال والحياة الاجتماعية انه نجمة انا نجمة".

وضرب كوسا مثالاً على كلامه، بمسلسل له لم يُعرض حتى الساعة بسبب رفض ممثلة وضع اسمه قبل اسمها.

وقال: "انهينا العمل وخلصناه وانجزناه بس لانه كان اسمها بعد اسمي قام لحد الان ما انعرض المسلسل، هني مجموعة بفضل ما غوص كتير بس هاد انعكاس لواقع متردي".